زهقان طحن

بقالى يومين نفسى ارجع اكتب وعمال افكر اكتب ايه واختار المواضيع او المواقف لقيت ان العمليه صعبه جدا وفيها جراءه مش عاديه انا كنت فاكر نفسى بقى هشطح واكتب اللى انا عاوزه مصيبه ليكون معظم الحاجات اللى عاوز اكتبها عباره عن فضايح ولا تكون حاجات تافهه والله انا بستجمع شجاعتى وهكتب مانا لازم اكتب عشان بعد 10 سنين كده يكون عندى شىء اقراءه وافتكر فيه كل المواقف الحلوه والوحشه ع العموم لو حد يقدر يساعدنى ويقولى ابدأ ازاى والنعمه هدعيله فى الحرم وانشاءالله الدعوه تتقبل

كل لما ادخل واقرا المدونات الموجوده بالذات بتاعه عاوزه اتجوز بحس قد ايه ان غاده قدرت تخرج وتتحرر من الزهق والملل وبقعد احسد فيها للصبح والنعمه

يوميات فبراير

بسم الله الرحمن الرحيم

فى البدايه احب اعبر عن اعجابى الشديد بهذه الفكره وان كنت حاسس انه فكره مش جديده بس هى بالفعل جديده عليه او حاسس انى لقيت حل لمشكلتى فحسيت انها فكره جديده عجبنى فى الفكره انك ممكن تحكى وتتكلم فى اى وقت وانك ممكن تلاقى مساعدات كتير صبعا مش مساعدات ماديه لان اكيد غالبيه اللى بيعملوا مدونه حالتهم كرب ( فكها علينا يااااا كريم ) انا اقصد مساعدات فى النصيحه فى الرأى فى حلول المشاكل طبعا كل اللى بيقرا بيقولوا هو احنا ناقصينك احان عاوزين نعمل زى فكره برنامج ناس وناس
المهم الفكره كمان بالنسبه ليه جامده لانى مغترب والمغترب بيبقى محتاج يتكلم ويحكى الغربه صعبه كتير عليه وبعدى عن ام الدنيا مصر الحبيبه صعب مش عارف ليه بتكون حبيبه لما برجع هنا ولما بنزل اجازه بتبقى نار وووووو وببقى عاوز ارجع بعد اسبوع او اتنين طبعا ده راجع لفروق الاسعار الرهيب فى كل شىء الواحد كان فاكر انه هينزل يكسر الدنيا نزلت لقيت
بعدين بقى